تعالي أعلمك كيف تعملي سحر لزوجك!!!

تعالو نتعلم نسحر الزوج

السحر هو أمر يستحوذ على الحواس فيقودها في اتجاه آخر ..

لكل من تود أن تسحر زوجها سحر لا يمكن فكه ولا حله ..

هذه طريقة فعالة ..

جربوها ولن تندمــوا ..

زوجك ليس ندا لك .. زوجك رجل .. له كرامة وكيان وشخصية تمتلئ بالشموخ والكرامة وعزة النفس .. فلا تكوني ندا له ..... وين المشكلة؟؟!!

بيتك جنة .. وأطفالك هم عصافير الجنة .. فلا تجعليهم غربان تحوم حول الزوج حين يحتاج للهدوء .. الانسحاب أحيانا مفيد جدا ,, وين المشكلة؟؟!!

خليه يفتح موضوع جدي معاك .. اتركيه يناقش حتى النهاية .. اذا قرب يخلص فاجإيه بالعبارة التالية : بس في نقطة مهمة نسيتها .راح ينتبهلك .. وأكيد راح يسأل : وش هي ؟؟!! ,, قولي: انا أموت فيك .. وين المشكلة؟؟!!

كل الأمور تحلينها انتي؟؟!!.. بس مو ضروري تعيرينه.. دعي له مساحة يتحرك فيها .. شاركيه بالقرارات ... ارجعي له دائما .. حتى في الأمور المحسومة سلفا ..
خليه يحس ان له دور مهم .. وين المشكلة؟؟!!

دائما دعيه يشعر انه القوة الكاملة في البيت .. دعيه يشعر انك ضعيفة لكن مو بشخصيتك .. بل بجسمك ,, الجأي له مثل الأطفال .. حتى لو اصبعك انجرح ... عطيه بلاستر وخليه يلف اصبعك .. وين المشكلة؟؟!!
خليه دايما يحس انك بحاجته .. وان عداداتك وبوصلاتك ما تشتغل الا بوجوده .. وين المشكلة؟؟!!
أشعريه ان شخصيته هي الأقوى.. حتى لو كنتي كونداليزا رايس .. وين المشكلة؟؟!!

العطور الســحر كلــه .. اجعلي بيتك مريحا للأعصاب ودايما استبدلي عبق البصل والثوم اللي في البيت .. برائحة معطر الجو إير ويك برائحة الورد .. حواس الأنف مفتاح الدماغ ..
وقفلي على كل المواضيع اللي تضيق خلقه .. وين المشكلة ؟؟!!

يقولون الرجل طفل كبيـر .. انا اقول الرجل جنين وليس طفل .. الطفل ممكن ينزف ... ينطق .. بس الجنين محمي بحنان رباني و بعالم هادئ بتدليل أمومي .. الرجل مهما لقى من صفات رائعة في زوجته .. دائما يبحث عن حنان أمه فيها .. والحنان يلين الصخر .. وين المشكلة؟؟!!

كوني له أمة يكن لك عبدا .. نعــم لاتسـتغربيــن !!! صيري صديقته وقت الضيق .. أخته وقت الفزعة و أمة وقت الدمعة .. حبيبته لما كل الدنيا تخليه وزوجته لما يضيع .. و بنته لما يحتاج يحس بالألفة .. كوني له كل نساء الأرض .. وين المشكلة؟؟!!

علمي أولادك ان يقبلوا رأسه كلما رأوه ... لا تقولين الزمن تغير ...كل شي ممكن يتطور .. بس يبقى احترام الأب هو الجهل الوحيد اللي لازم نزرعه بقلوب أولادنا .. وباستماتة .. وين المشكلة؟؟!!

نسى هدية العيد لولده أو بنته::×: عادي::×: ..اشتري هدية وضعي عليها أسمه وجهزيها له ..أو اذا انشغل قدميها باسمه فنتيجة انتماء الطفل لأبويه انتو الاثنين راح تحصدونها .. مو بس هو .. وين المشكلة؟؟!!

أحــــذري من عبارة أبوك لاهي عنك .. الطفل ما ينسى قومي انتي بالمهمة .. أو على الأقل لاقي عذر مناسب يكبر الأب بعين عياله .. مو يكرهونه .. وين المشكلة ؟؟!!

تتضايقين من نظراته لمذيعات القنوات اللبنانية او ..او ..او؟؟!! قـــــهــــــر موووو ؟؟!! غلــطـــــــان .. اسألي نفسك سؤال واحد هي مرأة وانتي مو مرأة؟؟!! ليش تخليــنه يطالع برا وأنتي موجــوده ؟؟!!

أيش ناقصك ؟؟!! ليش ما تصيرين انتي لبنانية بنكهة الدرابيل والهيل .. يعني خليجية النكهة ..
أيش محتــاج المــوضــوع أممممممممم ..
قصة شعر؟؟!! ريجيم ؟؟!! صبغة حلوة ؟؟!! ابتسامة جميله ؟؟!! تدليع؟؟!!
وين المشكلة؟؟!!

دلعيه ثم دلعيه ثم دلعيه .. حبيبي ,, قلبي ,, حياتي ,, مافي منك ,, مشكور عساك عالقوة .. صباح الحب ,, مساء الورد ,, تصبح على حب ,, عيوني لك ,, انت تامر .. وراح تشوفين كيف الدلال... وين المشكلة؟؟!!
لا تنتقدينه أبدا .. حتى لو كان صباااااااااااار كله شوك .. الصبار ترى داخله مويه وعلشان توصلين للمويه لازم تشيلين الشوك وجربي شيليه بسرعة ومرة واحدة .. ما تجنين الا الألم ..
بالحب والحنية والصبر كل شي يصير .. حتى لو طولتي تشيلين الشوك .. راح يجي وقت تلاقينه هو يشيل معاك .. من كيفه .. وين المشكلة؟؟!!

إياكي وإياكي أن تظهري عيبه أمام الآخرين الرجل ما ينسى .. والشعور بالإحراج يخليه يدفن بقلبه ضيق عليك ما يروح بسهولة وخليك ستر وغطا على عيوبه .. حتى لو تافهة وعادية .. وين المشكلة؟؟!!

خلي يدك بإيده .. خليه يحس انك مستانسة لوجوده جنبك ..
مو تنتظرين الساعة اللي يروح فيها (بسم اللــه عليه) ... وين المشكلة؟؟!!

عطيه حريته وخليه يسافر بروحه اذا اراد.. وراح يرجع لك مشتــــــــــــــــــــاق ... وين المشكلة ؟؟!!

تعلمي الابداع بالطبخ .. نوعي بأكلاتك .. حسسيه ان ذوقه مهم عندك... وين المشكلة؟؟!!
جددي بنفسك وخليك أنيقه وكشخة .. وين المشكلة؟؟!!

تذكريه برسالة على الجوال قوليله كلمة واحدة بس .. اشتقتــــــــــــــلك .. وين المشكلة؟؟!!

لا تخالفينه قدام عيالك خلي رايك من رايه وعيالك لازم يفهمون انك معاه ولست ضده.. ولا تعاندين .. لو شلتي ايدك من ثقب السفينه عناد ..
راح تغرق السفيـنـه فيكم كلكم .. وهنا المشكلة !!!!

موضوع راااااااااااااااااائع وعضوة رااااااااااااااااااااااااااااااائعة كلام جميل جدا ياطوق الياسمين وابشرك راح ابتدي اطبقة

[center]

تعالي أعلمك كيف تعملي سحر لزوجك!!! 016312

وااااااااااااااااااااااااااااااااااااو كلام يعجز اللساان عن وصفه

ابدعتي ياصااحبة الابداااع فيما طرحتيه

يعطييييك العااافية

وبانتظاار جديدك بفاارغ الصبر

لك مني اجمل تحية,,,,,

غـــ ذبحني ـــلاك

هلا والله أختي الروعه تواجدك وشي جميل لو طبقتي هالكلام ..

هالكلام إن لم يزد الحياة جمال فلن ينقصه..

الله يوفقك بحياتك ويسخر لك زوجك ..

ومشكوره عالمرور ..

سر الجاذيبه

حياك أختي مرورك أضفى الإبداع بعينه على الموضوع ..

وما للإبداع صاحبة سواك ..

الله يعافيك على المرور الجميل شاكره لك ..